Ініцыятыву запусціў беларус, які жыве ў Поморскім ваяводстве. Ён, як і многія, чакае рашэння па ВНЖ і мяркуе, што чаканне можа расцягнуцца на гады. Паводле яго слоў, праблема не ў адным канкрэтным справе, а ў сістэме ў цэлым: доўгія тэрміны, зацятыя кейсы, складаныя працэдуры і перагружаныя ўжонды. Замест скаргаў ён вырашыў прапанаваць рашэнні — і падрыхтаваў адразу тры дакументы, адрасаваныя розным органам улады.
Што гэта за ініцыятыва?
Гэта пакет з трох зваротаў, мэта якіх — спрасціць і паскорыць працэс легалізацыі знаходжання замежнікаў у Польшчы.
1️⃣ Петыцыя да ваяводы (лакальны ўзровень)
У ёй прапануецца:
▪️ павялічыць колькасць супрацоўнікаў
▪️ зрабіць празрыстую статыстыку па справах
▪️ сачыць за «зацятымі» заяўкамі
▪️ спрасціць запіс на біяметрыю
▪️ менш патрабаваць дакументаў, якія ўжо ёсць у дзяржаўных рэестрах
2️⃣ Петыцыя ў Сейм (змены законаў)
У ёй прапануецца:
▪️ каб адсутнасць біяметрыі не тармажыла разгляд
▪️ спрасціць атрымліванне паўторных ВНЖ
▪️ палегчыць працэдуры для прадпрымальнікаў і спецыялістаў
▪️ зрабіць асобныя спрошчанні для дзяцей
▪️ гарантаваць легальнасць знаходжання на час чакання рашэння
3️⃣ Ліст у міністэрства і UdSC (цыфравізацыя)
У ім прапануецца:
▪️ аб’яднаць розныя дзяржаўныя базы
▪️ паменшыць ручны ўвод даных
▪️ паскорыць апрацоўку спраў
▪️ развіваць лічбавыя інструменты для супрацоўнікаў
▪️ разгледзець выкарыстанне AI
▪️ зрабіць статус справы больш даступным онлайн
Як падпісаць?
Спасылка на петыцыю — ТУТ.
Подпіс збіраюцца онлайн і затым будуць прыкладзены да дакументаў пры падачы.
Пры гэтым спіс падпісантаў не плануецца публікаваць у адкрытым доступе — даныя перададуць толькі адрасатам зваротаў.
Падпісаць можа любы — не абавязкова мець справу па ВНЖ. Ініцыятыва не накіравана супраць канкрэтных інспектараў або ўжондаў — ідзе гаворка пра спробу палепшыць сістэму ў цэлым.
