У Польшчы могуць змяніць правілы дэпазітнай сістэмы. Міністэрства клімату і навакольнага асяроддзя плануе павялічыць тэрмін дзеяння бонаў за вяртанне ўпакоўкі і ўсталяваць адзіныя правілы для ўсіх крам і аператараў.
Цяпер тэрмін дзеяння бона ўсталёўваюць крамы і аператары самі, мінімум 30 дзён. Міністэрства хоча зрабіць яго даўжэйшым і аднолькавым па ўсёй краіне.
«Мы хочам падоўжыць гэты перыяд і перш за ўсё яго стандартызаваць», паведаміла намесніца міністра клімату Аніта Совіньска. Аналітычная праца завершіцца ў верасні, пасля чаго ўлады вызначацца з канкрэтнымі зменамі.
Бон можна выкарыстоўваць пры наступнай пакупцы або абмяняць на наяўныя, краме не дазволена адмовіць у выплате
Міністэрства таксама працуе над пашырэннем сістэмы за кошт аднакратных шкляных бутэлек. Для гэтага патрэбна падрыхтоўка і змена лагістыкі, таму правілы ўвядуць з пераходным перыядам.
Сістэма дзейнічае з 1 кастрычніка 2025 года і ахоплівае пластыкавыя бутэлькі да 3 літраў і металічныя банкі да 1 літра з дэпазітам 50 грошаў. З 2026 года ў яе таксама ўвойдуць шматразовыя шкляныя бутэлькі да 1,5 літра з дэпазітам у 1 злоты.
