На польска-беларускай мяжы адбываецца абмен затрыманымі па формуле «пяць на пяць». Сярод удзельнікаў аперацыі аказаўся Анджей Почобут — польска-беларускі журналіст і дзеяч польскай меншасці ў Беларусі.
Почобут шмат гадоў супрацоўнічаў з польскімі СМІ, асвятляючы сітуацыю ў Беларусі. Ён быў затрыманы 25 сакавіка 2021 года і правёў у турме 1950 дзён. Яго асудзілі за крытычныя выказванні ў адрас Аляксандра Лукашэнкі
Абмен стаў вынікам шматмесячных, непублічных перамоў паміж беларускім КГБ і Агентствам разведкі Польшчы, паведамляюць СМІ.
На мяжы Андзея Почобута сустрэў асабіста прэм’ер-міністр Польшчы Дональд Туск. У сваіх сацыяльных сетках ён выклаў першую фатаграфію палітвязня.
«Анджей Почобут свабодны. Сардэчна запрашаем у польскі дом, сябра», — напісаў Дональд Туск у сэрвісе X.
«Непахісны. «Ці змагу я вярнуцца туды?» — былі яго першыя словы. «Толькі ты вырашаеш. Цяпер ты свабодны чалавек», — адказаў я», — гаворыцца ў запісе Туска.
