У Польшчы рыхтуюцца новыя правілы, якія могуць цалкам змяніць працэс рэгістрацыі аўтамабіляў. У будучыні вадзіцелям больш не прыйдзецца асабіста наведваць ужонды, каб атрымаць новыя нумарныя знакі — іх будуць адпраўляць па пошце на ўказаны адрас
Але гэта толькі частка змяненняў. Калі ўладальнік аўтамабіля вырашыць прадаць машыну і знойдзе пакупніка, усе фармальнасці — уключаючы падпісанне дагавора куплі-продажу — можна будзе аформіць цалкам у лічбавым выглядзе.
Міністэрства лічбавага развіцця, якое ўзначальвае Кшыштоф Гаўкоўскі, працуе над законапраектам, які ўводзіць лічбавую рэгістрацыю транспартных сродкаў. Документ у бліжэйшы час будзе вынесены на грамадскія кансультацыі.
Згодна з праектам, з 5 чэрвеня 2028 года ўладальнікам аўтамабіляў больш не трэба будзе наведваць аддзелы камунікацыі для атрымання нумарных знакаў — яны будуць аўтаматычна адпраўляцца па пошце.
Чаму рэформу адкладаюць амаль на тры гады? Прычына ў маштабнай мадэрнізацыі Цэнтральнага рэестра транспартных сродкаў і вадзіцеляў (CEPiK), а таксама ў імкненні спрасціць адміністрацыйныя працэдуры. У міністэрстве адзначаюць, што цяперашнія дадзеныя CEPiK недастатковыя для стварэння паўнавартасных электронных паслуг у сферы рэгістрацыі транспарту і выдачы вадзіцельскіх дакументаў.
Адна з ключавых зменаў стане адмовай ад папяровых дакументаў. Рэгістрацыйны дакумент аўтамабіля будзе выдавацца ў электроннай форме і аўтаматычна фармавацца ў інфармацыйнай сістэме, якая абслугоўвае цэнтральны рэестр транспартных сродкаў.
Sprzedaż samochodu całkowicie online
Рэформа закране і рынак куплі-продажу аўтамабіляў. Міністэрства плануе ўвесці магчымасць заключэння дамовы куплі-продажу праз онлайн-сэрвіс, які прадастаўляецца ведамствам, адказным за лічбавізацыю.
Чакаецца, што такая сістэма пачне дзейнічаць з 13 лістапада 2028 года
Крыніца: https://auto.wprost.pl/aktualnosci/12326658/tablice-rejestracyjne-przyjda-poczta-kiedy-nowe-przepisy-wejda-w-zycie-padla-data.html
