Возвращаецца легендарны 11-гадзінны рэйс па Эльблонгскім канале — аднаму з самых незвычайных водных маршрутаў Еўропы. Пасля 15-гадовага перапынку турысты зноў змогуць прайсці шлях з Эльблонга ў Оструду.
Эльблонгскі канал (ці Острудска-Эльблонгскі) — 151-кіламетровая водная артэрыя і адзіны ў Еўропе дзеючы канал, дзе судны не толькі ідуць па вадзе, але і перамяшчаюцца па сушы на спецыяльных платформах. Маршрут лічыцца інжынерным цудам XIX стагоддзя і адной з галоўных турыстычных славутасцяў Польшчы.
Ідэя будаўніцтва ўзнікла ў 1844 годзе, каб злучыць Мазуры з Балтыйскім морам. Праект аказаўся настолькі складаным, што яго кошт перавысіў выдаткі на Эйфелеву вежу. З часам канал страціў гаспадарчае значэнне, але стаў папулярным турыстычным маршрутам.
Галоўная асаблівасць — нахіленыя суднопад’ёмнікі паміж Бучынцам і Калунамі. Тут судны «едуць па траве» на рэйкавых платформах, пераадольваючы перапад вышыні амаль у 100 метраў без электрычнасці — за кошт водных колаў і сілы вады.
Пасля рэканструкцыі 2011–2015 гадоў сістэма зноў цалкам адноўлена, і цяпер вяртаюцца паўнавартасныя рэйсы па ўсёй даўжыні канала — праз азёры, шлюзы і ўнікальныя інжынерныя збудаванні.
Білеты можна набыць на сайце.
Кошт:
Звычайны білет -299 zł
Пільговы білет — 249 zł
Білет для дзяцей, якія не дасягнулі 8 гадоў — 85 zł
