У Гдыні 28-гадовы мужчына паспрабаваў вынесці з крамы ўпакоўку чыпсаў і піва, не заплаціўшы. Калі прадавец паспрабаваў яго спыніць, сітуацыя рэзка абвастрылася: злачынца пачаў пагражаць нажніцамі і перцовым газам, пасля чаго ўцёк.
Аднак уцячы ад адказнасці яму не ўдалося. Я ўжо на наступную ноч, каля гадзіны, паліцыянты затрымалі падазраванага ў раёне вакзала Gdynia Główna. Убачыўшы супрацоўнікаў паліцыі, ён паспрабаваў схавацца, але быў хутка нейтралізаваны.
Пры аглядзе ў мужчыны знайшлі нож, перцовы газ і іншыя прадметы, якія маглі выкарыстоўвацца падчас інцыдэнту. Таксама канфіскавалі адзенне, якое супадала з тым, у якім ён быў у момант злачынства.
Спачатку гаворка ішла пра крадзеж, аднак з-за пагроз і прымянення гвалту справу перакваліфікавалі. Цяпер мужчыне давядзецца адказваць за разбойны крадзеж — злачынства, за якое можа пагражаць да 10 гадоў пазбаўлення волі. Суд ужо прызначыў яму паліцэйскі нагляд, а таксама забараніў набліжацца да пацярпелых і наведваць краму, дзе ўсё адбылося.
