Нетвярозы 32-гадовы мужчына ехаў на скутэры і на высокай хуткасці ўрэзаўся ў аўтамабіль Mazda, якому ён не ўступіў дарогу. Ад удару ён упаў і застаўся ляжаць на зямлі без руху.
Сведкі адразу выклікалі экстраныя службы, паведаміўшы, што кіроўца скутэра без свядомасці. Аднак, калі мужчына пачуў, што на месца едуць паліцэйскія, ён раптоўна прыйшоў у сябе, устаў і, хістаючыся, ўцёк у бок пляжу.
Дзякуючы відэазапісам і фотаздымкам, перададзеным сведкамі, супрацоўнікі паліцыі з Усткі хутка ўстанавілі яго асобу і ўжо праз некалькі хвілін знайшлі 32-гадовага мужчыну — ён быў відавочна п’яны і едва трымаўся на нагах.
Мужчына правёў ноч у паліцэйскай камеры. Невзабаве яму прад’явяць абвінавачанні ў кіраванні транспартам у стане ап’янення і стварэнні пагрозы бяспецы дарожнага руху. Яго далейшую долю вырашыць суд, — паведаміў малодшы аспірант Амадэуш Галуc з гарадской камендатуры паліцыі ў Слупску.
