Фестываль Open’er яшчэ не пачаўся, а рынак жылля ў Гдыні ўжо перагрэўся. У дні фестывалю кароткатэрміновая арэнда ператвараецца ў асобны квест: цэны растуць у разы, а звычайныя кватэры нечакана становяцца амаль люксовым таварам.
З 1 па 4 ліпеня жыллё ў Гдыні падаражэе рэзка і без сюрпрызаў — гэта эфект Open’era. Асноўныя прапановы сканцэнтраваны ў Oksywie і Kosakowo, прама побач з фестывальнай пляцоўкай (аэропорт Гдыня-Kosakowo). Гэта звычайныя кватэры: студыі, простыя апартаменты з адной-двума спальнямі, часам з паркоўкай — і на гэтым «плюсы» часта заканчваюцца. Да сцэны пры гэтым можна дабрацца пешшу за 10–15 хвілін. За гэтыя чатыры дні гаспадары часта зарабляюць столькі ж, колькі звычайна атрымліваюць за месяц.
Глядзячы на цэны на сайце Trojmiasto здаецца, што ўсё не так страшна: 130, 150, 220 або 280 злотых за ноч. Але калі падлічыць увесь перыяд фестывалю, выходзіць ужо 520–1120 злотых. А частка аб’яў хітруе — указвае цану за чалавека. У выніку для кампаніі з двух-трох чалавек сума лёгка перакуліцца за 2000–3000 злотых.
На Airbnb разброс яшчэ большы: ад 275 злотых за пакой на ўскрайку да 5600+ злотых за апартаменты ў цэнтры Гдыні. Калі спрасціць, рынак дзеліцца на тры зоны:
— Kosakowo і Pogórzе ў самым аэрапорце: прыкладна 2890–3491 злотых
— Oksywia і найбліжэйшыя раёны: 2641–3327 злотых
— больш аддаленыя месцы, такія як Rewy: 1233–4647 злотых
Чым бліжэй да мора або фестывалю — тым даражэй. Але «далёка» ў гэтым выпадку таксама адноснае: часам гэта проста іншы край Гдыні.
На OLX усё яшчэ разнастайней: можна знайсці пакой за 60 злотых у суткі або віллу з джакузі за 1500 злотых у Pogórzе. У пераліку на фестываль нармальная кватэра за 250–420 злотых у суткі абыйдзецца ў 1000–1680 злотых. Але ёсць нюанс — такія варыянты часта знаходзяцца ў Rumi або Karwinach, то ёсць у некалькіх кіламетрах ад пляцоўкі. А слова «Open’er» у аб’яве зусім не гарантуе, што да сцэны можна дабрацца пешшу — часам гэта яшчэ +100 злотых за таксі ў адзін бок.
На Booking.com усё максімальна проста: бліжэй да фестывалю — даражэй. Жыллё побач з пляцоўкай фестывалю каштуе прыкладна 3965–7241 злотых за чатыры дні. У радыусе 5–10 км — ужо 1338–5039 злотых. Преміум-варыянты з выглядам на мора даходзяць да 7000 злотых. І не забываем пра таксі: ноччу паездка з суседніх раёнаў лёгка каштуе 120–200 злотых.
