Супрацоўнікі ўжонда накіравалі ў рэдакцыю Trojmiasto.pl ананімную заяву — яны заяўляюць, што баяцца наступстваў на працы. Паводле іх слоў, стыль кіравання дырэктара ўжо больш за два гады прыводзіць да пагаршэння ўмоў працы і ўнутранага крызісу ў ўстанове.
Сярод асноўных прэтэнзій:
- псіхалагічны ціск і прыкметы мабінга
- атмасфера страху і пастаяннага кантролю
- перагрузка задачамі без рэальнай магчымасці іх выканаць
- хаос у працы з-за лішніх сустрэч і несувязных задач
- праблемы з камунікацыяй і кіраваннем
Аўтары заявы заяўляюць, што гэта ўжо прывяло да пагаршэння псіхалагічнага стану супрацоўнікаў, росту колькасці бальнічных і звальненняў. Па іх словах, каманды распадаюцца, а праца ўстановы аказваецца пад пагрозай. Яны таксама паведамілі, што падалі скаргу прэм’ер-міністру з патрабаваннем правесці праверку і змяніць кіраўніцтва.
Пазіцыя ўладаў
Прэс-сакратар ваяводы Beaty Rutkiewicz — Krystian Kłos — заявіў, што раней была толькі адна афіцыйная скарга — у ліпені 2024 года, і яна таксама была ананімнай. Тады ваяводка запытала меркаванне прафсаюзаў, і тыя ацанілі працу Świetlikowską станоўча. Пасля гэтага справу зачынілі.
Нядаўна прафсаюзы зноў пацвердзілі станоўчую ацэнку працы Świetlikowską.
Па словах прадстаўніка ваеводы, даныя аб масавых звальненнях не пацвярджаюцца, а сама Beata Rutkiewicz высока ацэньвае працу дырэктара і не плануе яе змяняць.
Ён таксама адзначыў, што частка крытыкі можа паходзіць ад супрацоўнікаў, незадавольных зменамі і больш строгімі патрабаваннямі. Па яго словах, Świetlikowska ўводзіць сучасныя метады кіравання і спрабуе выправіць цяжкае становішча ўстановы, у якім яна знаходзілася раней: дэзорганізацыя, адсутнасць рамонту і старое абсталяванне.
Улады заяўляюць, што змены ўжо даюць вынік, і праца па паляпшэнні працягваецца
Крыніца: https://www.trojmiasto.pl/wiadomosci/Konflikt-w-urzedzie-wojewodzkim-Chodzi-o-dyrektor-generalna-n219265.html
